امریکہ، برطانیہ اور فرانس نے شمالی کوریا کی جانب سے بیلسٹک میزائل کے تجربے کی مذمت کی ہے۔

نیویارک میں سلامتی کونسل کے ہنگامی اجلاس سے پہلے صحافیوں سے گفتگو کرتے ہوئے تینوں ملکوں کے سفیروں نے شمالی کوریا کی جانب سے بیلسٹک میزائل کے تجربے کی مذمت کرتے ہوئے اسے ایک نئی اشتعال انگیزی قرار دیا۔

انہوں نے سلامتی کونسل کی جانب سے مشترکہ کارروائی کرنے کی بجائے شمالی کوریا پر موجودہ عالمی پابندیوں پر عملدرآمد مزید مؤثر بنانے کا مطالبہ کیا۔