وفاقی وزیر برائے منصوبہ بندی ترقی واصلاحات و خصوصی اقدامات اسدعمر نے کہا ہے کہ ‏الحمد للہ آج ملک میں ویکسینیشن کی تعداد 10 کروڑ سے تجاوز کر گئی ہے۔

انہوں نے ہفتہ کو اپنے ٹویٹ میں کہا ہےکہ کورونا سے بچاو کی یہ ویکسین 6 کروڑ 80 لاکھ لوگوں نے لگوائی، جن میں سے 3 کروڑ 80 لاکھ سے زائد کی مکمل ویکسینیشن ہو چکی ہے جبکہ ان میں سے 3 کروڑ افراد نے ایک ڈوز لگوائی ہے۔ انتہائی ضروری ہے کہ جو لوگ ایک ڈوز لگوا چکے ہیں وہ دوسری ڈوز بھی لگوائیں۔