Dosti Channel FM 98 Voice of Friendship
16 مارچ کی سہ پہر چینی صدر شی جن پھنگ نے انڈونیشیا کے صدر جوکو ویدودو سے ٹیلی فون پر بات چیت کی۔
شی جن پھنگ نے نشاندہی کی کہ چین انڈونیشیا کے ساتھ قریبی رابطے کو برقرار رکھنے، چین-انڈونیشیا دوستانہ تعاون کی مسلسل ترقی کو فروغ دینے اور علاقائی اور عالمی ترقی کی مجموعی صورتحال میں مزید استحکام اور مثبت توانائی فراہم کرنے کے لیے تیار ہے۔
دونوں فریقوں نے یوکرین کی صورتحال پر تبادلہ خیال کیا اور اس بات پر اتفاق کیا کہ تمام فریقین کو امن پر آمادہ کرنے اور بات چیت کو فروغ دینے پر زور دینا چاہیے، بڑے پیمانے پر انسانی بحران کو روکنا چاہیے، عالمی معیشت پر پابندیوں کے منفی اثرات کو کنٹرول کرنا چاہیے اور عالمی اقتصادی بحالی کے عمل کو سست ہونےسے بچانے کے لئے اقدامات کرنے چاہییں.
