اسلام آباد میں قومی صحت کے وزیر عبدالقادر پٹیل کی زیر صدارت اجلاس میں کووڈ کی موجودہ صورتحال کا جائزہ لیا گیا۔

وزیر صحت نے کہاکہ دنیا میں وباء سے متاثرہ افراد میں اضافے کے تناظر میں صحت کے مرکزی ادارے کو ملک کے داخلی راستوں پر آنے والے مسافروں کی صحت کی جانچ پڑتال کرنی چاہیے۔ وفاقی وزیر نے خصوصاً پُرہجوم مقامات پر سماجی فاصلے اور ماسک پہننے کی پابندی پر عملدرآمد سمیت دیگر احتیاطی تدابیر اختیار کرنے کی اہمیت پر بھی زور دیا۔