وزارت داخلہ کے امیگریشن اور پاسپورٹ کے ڈائریکٹوریٹ جنرل نے شہریوں کی سہولت کیلئے پاسپورٹس کی آن لائن ادائیگیوں کی ایپ تیار کی ہے۔

یہ عملی اقدام وزیراعظم شہباز شریف کے عوام کو سہولت یقینی بنانے کے ڈیجیٹل معیشت کے وژن کی روشنی میں وزیراعظم کے اسٹریٹجک اصلاحات یونٹ کے سربراہ سلمان صوفی کی جانب سے کیا گیا۔ اس ایپ کے ذریعے اب ملک بھر میں کسی بھی جگہ تمام پاسپورٹس کی ادائیگیاں ڈیبٹ یا کریڈٹ کارڈز کے ذریعے ہوں گی اور لوگوں کو بینکوں کا چکر لگانے اور لمبی قطاروں میں کھڑا ہونے کی ضرورت نہیں ہوگی۔ آن لائن ادائیگی کا یہ نظام اس مہینے کے آخر پر فعال ہو جائے گا۔