Dosti Channel FM 98 Voice of Friendship
عالمی وباء کورونا وائرس کا شکار ہونے والے امریکی صدر جو بائیڈن کی حالت میں بہتری آ رہی ہے۔
کورونا وائرس میں مبتلا امریکی صدر جو بائیڈن کے معالج ڈاکٹر کیون کا کہنا ہے کہ جو بائیڈن کی حالت میں اب بہتری آ رہی ہے۔ جو بائیڈن کے ڈاکٹر نےکہا کہ ان میں کورونا وائرس کی علامات میں بھی اب افاقہ ہے جبکہ بائیڈن کے پھیپھڑے صاف اور جسم میں آکسیجن معمول کے مطابق ہے۔
ڈاکٹر کیون نے بتایا کہ صدر بائیڈن ممکنہ طور پر کورونا کے بی اے 5 ویرینٹ کا شکار ہوئے ہیں۔ واضح رہے کہ 79 سالہ امریکی صدر بائیڈن کا ایک روز پہلے کورونا وائرس کا ٹیسٹ مثبت آیا تھا۔
