انٹر بینک میں ڈالر کی قیمت  کم ہو گئی۔ ڈالر 228 روپے 80 پیسے کا ہو گیا۔

آئی ایم ایف کی جانب سے پاکستان کے لیے قرض بحالی سے متعلق مثبت پیغام سامنے آنے کے بعد انٹر بینک میں ڈالر کی قیمت میں کمی آئی ہے۔ اسٹیٹ بینک کے مطابق انٹر بینک میں ڈالر 9 روپے 58 پیسے سستا ہو گیا اور انٹر بینک میں ڈالر 228 روپے 80 پیسے کا ہو گیا۔

واضح رہے کہ آئی ایم ایف نے کہا ہے پاکستان نے پیٹرولیم لیوی میں اضافہ کر کے آخری شرط بھی پوری کر دی۔ آئی ایم ایف کی پاکستان میں کنٹری نمائندہ کے مطابق پاکستان نے پی ڈی ایل میں اضافہ کر کے ساتویں اور آٹھویں جائزہ معاہدے کی آخری پیشگی شرط بھی مکمل کردی ہے۔

آئی ایم ایف ایگزیکٹو بورڈ کا متوقع اجلاس رواں ماہ ہوگا۔ اگلی قسط کی منظوری دیئے جانے کا امکان ہے۔