چینی میڈیا کو دیئے گئے انٹرویو میں چین میں تعینات پاکستانی سفیر معین الحق نے کہا ہےکہ پاکستان اور چین نے بین الاقوامی سرمایہ کاری کا خیرمقدم اور حوصلہ افزائی کرنے پر اتفاق کیا ہے۔

سی پیک میں تیسرے فریق سے جدید ٹیکنالوجی اور مہارت متعارف کرانے پر اتفاق کیا گیا ہے جو دونوں ممالک کے ساتھ مشترکہ ترقی کے سفر کوآگے بڑھانے کے خواہاں ہوں۔ انہوں نے مزید کہا کہ پاکستان اور چین صنعتی نقل مکانی، زرعی جدید کاری، سائنس اور ٹیکنالوجی کے تعاون، روزگار اور لوگوں کی سماجی و اقتصادی بہبود پر خصوصی توجہ کے ساتھ سی پیک کی تیز رفتار ترقی کے لیے پرعزم ہیں۔