پاکستان اور متحدہ عرب امارات نے دونوں اطراف سے نجی شعبے کی فعال شرکت کے ذریعے سرمایہ کاری کے تعاون کو مزید بڑھانے اور اقتصادی شراکت داری کو فروغ دینے پر اتفاق کیا ہے۔

ٰیہ اتفاق رائے وزیر خارجہ بلاول بھٹو زرداری کی اقوام متحدہ کی جنرل اسمبلی کے 77ویں اجلاس میں شرکت کے موقع پر نیویارک میں متحدہ عرب امارات کے وزیر خارجہ اور بین الاقوامی تعاون شیخ عبداللہ بن زید النہیان سے ملاقات کے دوران ہوا۔ دونوں رہنماؤں نے دونوں ممالک کے درمیان برادرانہ تعلقات پر تبادلہ خیال کیا، اور باہمی تعاون کو مزید مضبوط بنانے کے طریقوں پر اتفا ق کیا۔