تازہ ترین

وزیر خزانہ کی ملک میں چینی کی دستیابی اور پیداوار پر اطمینان کا اظہار

وفاقی وزیر خزانہ و محصولات سینیٹر محمد اسحاق ڈار ملک میں چینی کی دستیابی اور پیداوار پر اطمینان کا اظہار کرتے ہوئے چینی کے اسٹریٹجک ذخائر کو برقرار رکھنے اور عوام کو زیادہ سے زیادہ ریلیف فراہم کرنے کے لیے چینی کی قیمتوں کو برقرار رکھنے پر زور دیا ہے۔

انہوں نے یہ بات پیر کو یہاں ملک میں چینی کی طلب اور رسد کی صورتحال کا جائزہ لینے کیلئے منعقدہ اجلاس کی صدارت کرتے ہوئے کیا۔ اجلاس میں وفاقی وزیر قومی غذائی تحفظ و تحقیق طارق بشیر چیمہ، وزیراعظم کے مشیر برائے خزانہ طارق باجوہ، وزیراعظم کے مشیر برائے ریونیو طارق محمود پاشا، سیکریٹری، قومی غذائی تحفظ و تحقیق اسپیشل سیکریٹری خزانہ کے علاوہ قومی غذائی تحفظ و تحقیق اور وزارت خزانہ کے دیگر سینئر افسران نے بھی شرکت کی۔

اجلاس میں ملک میں چینی کے دستیاب اسٹاک کی صورتحال اور مستقبل میں اس کی طلب کا جائزہ لیا گیا اور آگاہ کیا گیا کہ ملک میں چینی کا وافر ذخیرہ موجود ہے۔

اجلاس میں بتایاگیا کہ سندھ اور پنجاب کے صوبوں میں شوگر ملوں نے گنے کی کرشنگ شروع کر دی ہے۔ اجلاس میں بتایا گیا کہ سیلاب کے باعث صوبہ سندھ میں چینی کی پیداوار گزشتہ سال کے مقابلے میں کم رہے گی۔

وفاقی وزیر خزانہ نے ملک میں چینی کی دستیابی اور پیداوار پر اطمینان کا اظہار کیا اور چینی کے اسٹریٹجک ذخائر کو برقرار رکھنے اور عوام کو زیادہ سے زیادہ ریلیف فراہم کرنے کے لیے چینی کی قیمتوں کو برقرار رکھنے پر زور دیا۔

یہ خبر پڑھیئے

ملک میں سونے کی فی تولہ قیمت میں 4 ہزار روپے کی نمایاں کمی

ملک میں سونے کی فی تولہ قیمت میں 4 ہزار روپے کی نمایاں کمی

ملک میں سونے کی فی تولہ قیمت میں 4 ہزار روپے کی نمایاں کمی واقع …

Show Buttons
Hide Buttons