تازہ ترین

وزیر خارجہ بلاول بھٹو زرداری 23 اور 24 جنوری کو ازبکستان کا دورہ کریں گے

وزیر خارجہ بلاول بھٹو زرداری اقتصادی تعاون تنظیم (ای سی او) کی کونسل آف منسٹرز (سی او ایم) کے 26ویں اجلاس میں شرکت کے لئے 23-24 جنوری 2023 کو تاشقند، ازبکستان کا سرکاری دورہ کریں گے۔

کانفرنس کا موضوع ’’رابطے کو مضبوط بنانے کا سال‘‘ منتخب کیا گیا ہے۔ دفتر خارجہ کی جانب سے جاری اعلامیہ کے مطابق اپنے دورہ کے دوران وزیر خارجہ کونسل سے خطاب کریں گے اور تقریب کے موقع پر رکن ممالک کے شریک وزراء اور دیگر معززین کے ساتھ الگ الگ دو طرفہ ملاقاتیں بھی کریں گے۔

کونسل آف منسٹرز،اقتصادی تعاون تنظیم کا پالیسی ساز فورم ہے جو تنظیم کے فیصلوں اور سالانہ ورک پلان کی منظوری دیتا ہے۔ سی او ایم کا 25 واں اجلاس نومبر 2021 میں اشک آباد، ترکمانستان میں منعقد ہوا تھا۔ پاکستان ای سی او بانی رکن کے طور پر مواصلات، تجارت، ثقافت اور رابطوں پر خصوصی توجہ کے ساتھ موثر علاقائی تعاون کو فروغ دینے کےلئے پر عزم ہے۔

یہ خبر پڑھیئے

تھائی لینڈ کے نائب وزیر اعظم اور وزیر صحت آنوتین چرنویراکل کا سی ایم جی کوانٹرویو

تھائی لینڈ کے نائب وزیر اعظم اور وزیر صحت  آنوتین چرنویراکل  نے چائنا میڈیا گروپ کو …

Show Buttons
Hide Buttons