Dosti Channel FM 98 Voice of Friendship
حرمین الشریفین انتظامیہ نے کہا ہے کہ مطاف کی مکمل صفائی اور دھلائی کا کام 20 منٹ میں مکمل کر لیا جاتا ہے۔
سعودی خبررساں ادارے کےمطابق حرمین الشریفین انتظامیہ کی جانب سے جاری بیان میں بتایا گیا ہے کہ مسجد الحرام اور مطاف کا صحن روزانہ دس بار دھلوانے کا اہتمام کر رہی ہے اور یہ کام 20 منٹ میں مکمل کرلیا جاتا ہے۔ انتظامہ نے کہا کہ مسجد الحرام اور مطاف کے صحن کی صفائی اور دھلائی کے لیے چار ہزار کارکنان شفٹوں میں چوبیس گھنٹے ڈیوٹی دیتے ہیں۔
مسجد الحرام میں قالین اور صفائی ادارے کے انچارج جابرالوداعانی نے بتایا کہ صفائی اور دھلائی کا کام تربیت یافتہ ہنرمند عملے کی مدد سے کیا جا رہا ہے۔
انہوں نے کہا کہ صفائی اور دھلائی کا باقاعدہ ایک سسٹم ہے۔ صفائی اور دھلائی کے کام میں جدید مشینیں استعمال کی جاتی ہیں۔ بیرونی صحنوں، مصلوں اور الیکٹرانک زینوں کی صفائی کا کام خاص مشینوں سے کیا جاتا ہے۔ صفائی اور دھلائی کے دوران بھرپور کوشش ہوتی ہے کہ طواف معطل نہ ہو اور سعی کا سلسلہ جاری رہے۔
