محکمہ موسمیات کی پیشگوئی کے مطابق آئندہ بارہ گھنٹے کے دوران ملک کے بیشتر علاقوں میں موسم سرد اور خشک رہے گا۔

تاہم خیبر پختونخوا، شمالی بلوچستان، گلگت بلتستان، کشمیر اور اس کے ملحقہ پہاڑی علاقوں میں گرج چمک کے ساتھ بارش اور برفباری کا امکان ہے۔ آج (ہفتہ) صبح ریکارڈ کیا گیا بعض شہروں کا درجہ حرارت اسلام آباد، کوئٹہ اور مظفر آباد چار ڈگری سینٹی گریڈ مری صفر لاہور آٹھ کراچی چودہ پشاور سات اور گلگت منفی ایک ڈگری سینٹی گریڈ.

بھارت کے غیرقانونی زیرقبضہ جموں و کشمیر میں محکمہ موسمیات کی پیشگوئی کے مطابق سرینگر، لہہ، پلوامہ، اننت ناگ، شوپیاں، جموں اور بارہ مولہ میں مطلع ابرآلود رہنے، کہیں کہیں بارش اور پہاڑوں پر برفباری کا امکان ہے۔ آج صبح ریکارڈ کیا گیا درجہ حرارت:سرینگر، اننت ناگ اور بارہ مولہ ایک ڈگری سینٹی گریڈ، جموں آٹھ، لہہ منفی گیارہ، پلوامہ اور شوپیاں صفرڈگری سینٹی گریڈ۔