Dosti Channel FM 98 Voice of Friendship
چینی وزیر اعظم لی کھ چھیانگ نے برطانوی تاجر برادری پر زور دیا ہے کہ وہ چین برطانیہ دوستی کے فروغ کیلئے دو طرفہ تعاون کو زیادہ سے زیادہ سے مضبو ط بنائیں۔
برطانیہ کےدارالحکومت لندن میں قائم تجارتی تنظیم 48 گروپ کلب کے نام ارسال کردہ اپنے ایک تہنیتی پیغا م میں اُنہوں نے کہا کہ آج سے 70سال پہلے برطانوی تاجر برادری نے دانش مندی کا مظاہرہ کرتے ہوئے چین اور برطانیہ کے درمیان د و طرفہ تجارتی تعلقات کی بنیاد رکھی تھی۔
اُن کا کہناتھا کہ موجودہ حالات کے تناظر میں بین الاقوامی اور علاقائی حالات پیچیدہ اور سنگین تبدیلیوں سے گزر رہے ہیں اور جغرافیائی سیاست، عالمی معیشت، موسمیاتی تبدیلی، خوراک اور توانائی کی سلامتی اور دیگر شعبوں کو شدید خطرات اور چیلنجز کا سامنا ہے۔
اُنہوں نے کہا کہ چین پر امن ترقی کی راہ پر گامزن ہے، اصلاحات اور کھلے پن کی بنیادی ریاستی پالیسی کو برقرار رکھتا ہے اور عالمی امن کے تحفظ اور ترقی و خوشحالی کے فروغ کے لیے تمام فریقین کے ساتھ مل کر کام کرنے کیلئے تیار ہے
