قدرتی آفات سے پیدا ہونے والی صورتحال سے نمٹنے کے قومی ادارے نے ترکیہ اور شام کیلئے مزیدامدادی سامان کی کھیپ بھجوائی ہے۔

این ڈی ایم اے کے مطابق وزیراعظم شہباز شریف کی ہدایات کے مطابق ایک بحری جہاز کے ذریعے امدادی سامان پر مشتمل پینسٹھ کنٹینرز بھجوائے گئے ہیں۔ ترکیہ کے زلزلے سے متاثرہ افراد کے لئے سردی سے بچائو کے لئے آٹھ ہزار دو خیمے شامل ہیں، ان میں شام کے متاثرین کے لئے راشن کے پندرہ ہزار تھیلے اوردیگر اشیاء شامل ہیں۔ بحری جہازپندرہ روز میں امدادی سامان لیکر پہنچے گا۔