Dosti Channel FM 98 Voice of Friendship
یوکرین کے شہریوں کو یورپ میں ملازمت کرنے کی بھی اجازت ہوگی
یورپی یونین نے روس-یوکرین تنازع کے خاتمے تک یوکرین کے 40 لاکھ سے زائد شہریوں کو یورپ میں قیام کی اجازت دیدی۔ یورپی یونین کی جانب سے جنگ کے باعث یوکرینی شہریوں کو عارضی پناہ دینے کا ایک سال مکمل ہونے کے بعد رواں سال کیلئے اجازت کے حوالے سے عارضی پناہ کے نئے ہدایت نامے کے اجراء پر واضح کیا کہ یوکرین کے شہریوں کو یورپ میں قانون طور پر قیام کے علاوہ ملازمت کرنے کی بھی اجازت ہوگی۔
ہدایت نامے کے مطابق اس دوران یوکرینی مہاجرین کے بچے یورپی ممالک کے اسکولوں میں مفت تعلیم حاصل کریں گے اور انہیں صحت کی سہولیات تک آسان رسائی بھی میسر ہوگی۔
