Dosti Channel FM 98 Voice of Friendship
مقبوضہ علاقوں میں مظاہروں کی حالیہ لہر کے باعث لائیڈ آسٹن کے دورہ میں تاخیر کی گئی
امریکی وزیرِ دفاع لائیڈ آسٹن کی صیہونی انتظامیہ کے ساتھ ملاقاتوں کا مقام تبدیل کردیا گیا۔ ایک امریکی عہدیدار کا کہنا ہے کہ صیہونی انتظامیہ کے وزیر اعظم نیتن یاہو کے عدالتی اصلاحات سے متعلق منصوبے کے خلاف جاری مظاہروں کی حالیہ لہر کے باعث لائیڈ آسٹن کے دورہ میں تاخیر کی گئی ہے۔
دوسری جانب قاہرہ میں مصر کے صدر عبدالفتاح السیسی نے 9 مارچ کو امریکی وزیر دفاع لائیڈ آسٹن کا استقبال کیا، جو عراق کے اچانک دورے کے ایک روز بعد قاہرہ پہنچے تھے۔ مصری ایوان صدر کی طرف سے جاری کردہ بیان کے مطابق دونوں راہنماؤں کے درمیان ہونے والی ملاقات میں مصر کے ساتھ سٹریٹجک تعاون اور شراکت داری میں پیشرفت اور فروغ کی امریکی خواہش کا اظہار کیا گیا۔
بیان کے مطابق دونوں عہدیداروں نے متعدد علاقائی اور بین الاقوامی مسائل خاص طور پر مسئلہ فلسطین پرتبادلہ خیال کیا۔ اس موقع پر فلسطینی علاقوں میں قیامِ امن کے علاوہ یکطرفہ اقدامات اور کشیدگی کو روکنے کیلئے بھی بات چیت کی گئی۔
