وزیر مملکت برائے اُمور خارجہ حنا ربانی کھر سالانہ منامہ کانفرنس میں شرکت کے لئے آج بحرین روانہ ہوں گی۔

وزارت خارجہ کے مطابق وزیر مملکت علاقائی سلامتی کو درپیش چیلنجز کے موضوع پر ہونے والے خصوصی مکالمے میں حصہ لیں گی۔اس موقع پر دیگر عالمی رہنماؤں سے ملاقاتیں بھی کریں گی۔وزیر مملکت پیر سے برطانیہ کا بھی تین روزہ دورہ کریں گی جہاں وہ لندن میں دولت مشترکہ کے رکن ملکوں کے وزرائے خارجہ کے اجلاس میں شرکت کریں گی۔