پنجاب کے گورنر محمد بلیغ الرحمن نے کہا ہے کہ توانائی بحران اور ماحولیاتی آلودگی پر قابو پانے کیلئے شمسی توانائی کا استعمال وقت کی اہم ضرورت ہے۔

 لاہورمیں چین کی شمسی توانائی کی کمپنی کے ایک وفد سے گفتگو کرتے ہوئے انہوں نے کہا کہ پنجاب میں شمسی توانائی منصوبوں پر کام کرنے کیلئے ماحول بہت سازگار ہے۔ انہوں نے کہا کہ چین پاکستان کا قابل ِ اعتماد دوست ہے جس نے ہر مشکل وقت میں پاکستان کی مدد کی ہے۔