سعودی عرب میں عسیر کے شمال میں عقبہ شعار میں بس حادثہ میں 20 افراد ہلاک اور متعدد زخمی ہو گئے۔

سعودی ذرائع ابلاغ کے مطابق حادثہ اس وقت پیش آیا جب بس بریک فیل ہونے کے باعث ایک پل سے ٹکرائی اور الٹ گئی جس کے بعد اس میں آگ بھڑک اٹھی ۔ حادثہ میں 20 افراد ہلاک ا ور متعدد زخمی ہو گئے۔ سول ڈیفنس کی ٹیمیں، ہلال احمر اور متعلقہ سکیورٹی حکام جائے حادثہ پر پہنچ گئے اور امدادی سرگرمیاں شروع کردیں۔ نعشوں اور زخمیوں کو قریبی ہسپتالوں میں منتقل کردیا گیا ہے۔