Dosti Channel FM 98 Voice of Friendship
پاکستانی نژاد حمزہ یوسف سکاٹ لینڈ کے نئے فرسٹ منسٹر مقرر ہو گئے ہیں۔
عالمی میڈیا کے مطابق سکاٹ لینڈ کی پارلیمنٹ نے حمزہ یوسف کی سکاٹش نیشنل پارٹی کی سربراہی کی توثیق کر دی ہے۔ وہ 29 مارچ کو سکاٹ لینڈ کے فرسٹ منسٹر کا حلف اٹھائیں گے۔ عالمی خبر رساں ایجنسی کے مطابق حمزہ یوسف کسی مغربی یورپی حکومت کی سربراہی کر نے والے پہلے کم عمر اور مسلمان لیڈر بن گئے ہیں۔
واضح رہے کہ 37 سالہ حمزہ یوسف نے گزشتہ روز سکاٹش نیشنل پارٹی کی سربراہی کا انتخاب جیتا تھا۔عالمی خبر رساں ایجنسی کے مطابق سکاٹش نیشنل پارٹی کی سابق سربراہ نکولا اسٹرجن گزشتہ ماہ مستعفی ہوگئی تھیں۔
