برطانیہ کے ہیتھرو ایئرپورٹ کے دو ہزار افسران نے تنخواہوں میں مہنگائی کے تناسب سے اضافے کے لیے رواں ماہ کے آخر سے ہڑتال کا اعلان کیا ہے۔

میڈیا رپورٹس کے مطابق ہڑتال کے باعث ہیتھرو ایئرپورٹ کا ٹرمینل 3 اور 5 متاثر ہو گا۔ میڈیا رپورٹس میں کہا گیا ہے کہ پہلی ہڑتال 24 اور 25 جون کو جبکہ آخری 24 سے27 اگست تک کی جائے گی۔ ہڑتال کے باعث عید کی تعطیلات، سکولز کی تعطیلات اور اگست کے دوران بینکس کی تعطیلات متاثر ہوں گی۔