چیئرمین سینیٹ صادق سنجرانی نے پاکستان اور روس کے درمیان دو طرفہ تعلقات کے فروغ کی ضرورت پر زور دیا ہے۔

ماسکو میں ابتدائی اجلاس میں روسی فیڈریشن کونسل کے ارکان سے خطاب کے دوران دونوں ممالک کے درمیان تاریخی تعلقات اور دو طرفہ تعلقات کے فروغ کے امکانات پر زور دیتے ہوئے انہوں نے اس یقین کا اظہار کیا کہ عالمی سیاسی صورتحال کی بہتری سے باہمی تعلقات مزید مضبوط ہونے کے علاوہ تعاون کی نئی راہیں بھی کھلیں گی۔

چیئرمین سینیٹ کا کہنا تھا کہ پاکستانی کاروباری برادری نے روس کے ساتھ تجارت کے فروغ میں زبردست دلچسپی ظاہر کی ہے۔ انہوں نے دو طرفہ تعلقات کی مضبوطی، علاقائی اور عالمی مسائل کے حل کے لئے بڑے پیمانے پر پارلیمانی تعاون اور موئثر سفارتکاری سے کام لینے کی ضرورت پر زوردیا۔

چیئرمین سینیٹ نے پاکستان اور روس  کے درمیان تعلقات کو فروغ دینے کیلئے روسی صدر ولادیمیر پیوٹن کی کاوشوں کو سراہا۔