عالمی ادارہ صحت نے خبردار کیا ہے کہ دنیا کی نصف آبادی کو مچھر سے پھیلنے والے ڈینگی وائرس سے متاثر ہونے کا خدشہ ہے۔

ڈبلیو ایچ او کے گرم خطوں کی بیماریوں کے شعبے کے سربراہ رامن ولایودھن نے جنیوا میں اقوام متحدہ کی پریس بریفنگ میں بتایا کہ عالمی ادارہ صحت نے سال دو ہزار سے دو ہزار بائیس کے دوران ڈینگی کے کیسز میں آٹھ گنا اضافہ ریکارڈ کیا ہے۔ انہوں نے کہاکہ ڈینگی ایک خطرناک بیماری ہے جو مچھر کے ایک شخص سے دوسرے شخص کو کاٹنے سے پھیلتی ہے۔