غیرملکی خبررساں ادارے کے مطابق ملائیشیا میں ذہانت کے مقابلے کا انعقاد کیا گیا جس میں دنیا بھر سے ذہین بچوں نے حصہ لیا اس مقابلے میں تقریبا 70 سے زائد ممالک کے 3000 بچوں نے شرکت کی-
اس بچے کا نام عبدالرحمان حسین ہے.اس کا تعلق مصر سے ہے اور اس بچے کی عمرصرف 13 سال ہے تاہم عبدالرحمان نے اس مقابلے میں صرف 8 منٹوں میں ریاضی کے 230 مشکل سوالات حل کرکے دنیا بھرسے مقابلے میں شامل 3000 بچوں کو مات دے کر پہلی پوزیشن حاصل کر لی اور دنیا کے ذہین ترین بچے کا اعزاز حاصل کرلیا. عبدالرحمان کا کہنا تھا کہ کامیابی کے پیچھے انکے اساتذہ کی محنت شامل ہے انکی وجہ سے مجھے کامیابی ملی ہے اس مقابلے میں شرکت کےلیے خصوصی تربیت دی جبکہ ان کے اساتذہ میں سرفہرست خاتون استاد بتول محمد منتصر بھی شامل ہیں۔

خاتون استاد بتول محمد منتصرکے مطابق یاداشت اور مشاہدے کو مضبوط بنانے کےلیے عبدالرحمان کی تربیت کا آغاز 2014 سے کیا گیا۔ اس دوران مشکل نوعیت کی ذہنی مشقیں کروائی اس سے یہ بات آخذ کی گئی کہ عبدالرحمان کی ذہنی استعداد اور کام کرنے کی رفتار کافی حد تک بہتر ہے۔ اس کے بعد اسے ملائیشیا میں ہونے والے اس عالمی مقابلے کے لیے منتخب کر لیا گیا.
مقابلے میں شامل امیدواروں کو 4 صفحات پر مشتمل ریاضی کے 315 مشکل سوالات دیئے گئے اور انہیں مقررہ وقت میں ان میں زیادہ سے زیادہ سوالات کو حل کرنا تھا اور عبدالرحمان نے سب سے زیادہ 230 سوالات حل کر کے پہلی پوزیشن حاصل کر کے دنیا کے ذہین ترین بچہ کا اعزاز اپنے نام کر لیا.