چین کے نائب صدر مملکت وانگ چھی شان نے انیس مارچ کو بیجنگ میں پاکستان کے وزیر خارجہ شاہ محمود قریشی کے ساتھ ملاقات کی۔

وانگ چھی شان نے کہا کہ چین اور پاکستان اچھے پڑوسی ملک ہیں- حالیہ برسوں کے دوران دونوں ملکوں کے رہنماؤں نے تواتر کے ساتھ ایک دوسرے کے ممالک کا دورہ کیا ہے اور چاروں موسموں کے اسٹریٹجک تعاون کے ساتھ میں بھی مسلسل پیش رفت حاصل کی ہے- باہمی افہام و تفہیم اور باہمی اعتماد کی بنیاد پر قائم اچھی ہمسائیگی کے دوستانہ تعلقات امن و امان کے فروغ کے لئے اہم پیشگی شرط ہیں- چین پاکستان کی مواقع کے صحیح استعمال، چیلنجز سے نمٹنے، پڑوسی ممالک کے ساتھ تعلقات کو صحیح انداز میں برقرار رکھنے اور ملک کے اندر پائیدارترقی کیلئے کوششوں کی حمایت کرتا ہے۔ امید ہے کہ چین اور پاکستان بھرپور باہمی تعاون کو فروغ دیں گے تاکہ چین- پاکستان اقتصادی راہداری سمیت “دی بیلٹ اینڈ روڈ” کے سلسلے میں مزید اہم کامیابیاں حاصل کی جا سکیں-
اس موقع پر شاہ محمود قریشی نے کہا کہ پاکستان بھارت کے ساتھ کشیدگی کم کرنے کے سلسلے میں چین کے تعمیری کردار کی تعریف کرتا ہے- پاکستان چین کے ساتھ مختلف شعبوں میں تعاون کو مضبوط بنائے گا تاکہ دونوں ممالک کے چاروں موسموں کے اسٹریٹجک تعاون کے ساتھی تعلقات کو نئی بلندیوں تک پہنچایا جائے-
اس کے علاوہ چین کے نائب صدر مملکت وانگ چھی شان نے فلپائن کی حکومت کے وفد کے ساتھ بھی ملاقات کی۔