وزیر خارجہ شاہ محمود قریشی نے کا کہنا ہے کہ دورہ جاپان کی مصروفیات کی وجہ سے ایران نہیں جا سکا۔

نجی نیوز چینل سے گفتگو کرتے ہوئے وزیر خارجہ شاہ محمود قریشی نے کہا کہ جاپانی کمپنیاں پاکستان میں کامیابی سے سرمایہ کاری کر رہی ہیں، اور جاپان اسپیشل اکنامک زونز میں سرمایہ کاری کر سکتا ہے۔ وزیر خارجہ کا کہنا تھا کہ کابینہ میں تبدیلی کا اختیار وزیراعظم کے پاس ہے، وہ بہتر سمجھتے ہیں کہ کس کو کیا ذمہ داری سونپی جائے۔ انہوں نے کہا کہ اسد عمر کی جگہ حفیظ شیخ کو لایا گیا جو ٹیکنو کریٹ ہیں جبکہ معاشی فیصلے نئے مشیر خزانہ کرینگے جس سے مناسب سمجھیں مشاورت کریں گے۔