پاک بحریہ کے سربراہ ایڈ مرل ظفرمحمود عباسی نے شنگھائی میں چین کے شپ یارڈ کا دورہ کیا۔ جہاں انہوں نے پاک بحریہ کیلئے تیار کئے جانے والے بحری جہازوں کا جائزہ لیا۔ اس موقع پر پاک بحریہ کے سربراہ کو شپ یارڈ میں جہاز سازی کی سہولتوں کے بارے میں تفصیلی بریفنگ دی گئی۔ بعد میں پاک بحریہ کے سربراہ نے چین کی جہاز سازی کی مختلف کمپنیوں کے سربراہوں سے ملاقات کی اور باہمی تعاون کے امور پرتبادلہ خیال کیا۔