شمالی وزیرستان میں چیک پوسٹ کے قریب ہونے والے بم دھماکے نتیجے میں 3 نیم فوجی اہلکار شہید ہوگئے ہیں۔ سرکاری ذرائع کے مطابق شمالی وزیرستان کے علاقے شیوا میں قائم فوجی چیک پوسٹ کے قریب دھماکا ہوا جس میں 3 نیم فوجی اہلکار شہید اور ایک زخمی ہوگیا۔ ذرائع کے مطابق بارودی مواد چیک پوسٹ کے قریب نصب کیا گیا تھا، دھماکے میں شہید اہلکاروں میں سے 2 کی شناخت امیر زمان اور عبدالولی کے نام سے ہوئی ہے۔