خیبرپختون خوا کا نیا ترمیمی بلدیاتی ایکٹ اسمبلی میں پیش کر دیا گیا۔ نجی نیوز چینل کی رپورٹ کے مطابق مجوزہ بلدیاتی نظام میں ترمیم کے بعد شہریوں کے لیے کبوتربازی ، تیز آواز میں موسیقی سمیت 48 اعمال جرم تصور کیے جائینگے۔

کبوتربازی پر 5 ہزار روپے، تیز آواز میں میوزک لگانے پر3 ہزار، پبلک مقامات پر پالتو جانورلیجانے پر دو ہزار روپے جرمانہ ہو گا۔ مجوزہ ترمیمی بل کے مطابق گھر، دفتر اور دکان کا احاطہ صاف نہ رکھنا بھی جرم تصور ہوگا۔ گلی محلے، چوک میں بغیر اجازت پوسٹر لگانے والے بھی 5 ہزارروپے جرمانہ ادا کریں گے۔ نئے ترمیمی بل کے مطابق دوسروں کے کھیتوں میں گھسنے والی بھینس، بکری اور گائے کے عمل کو بھی انکے مالکان کا جرم تصور کیا جائے گا۔ بلدیاتی نظام کے تحت معذوری یا زخم دکھانے والے پیشہ ور گداگروں پر بھی 10 ہزار جرمانہ عائد کیا جائیگا۔