قومی کرکٹ ٹیم کے لیگ اسپنر شاداب خان کی بیماری سے متعلق حیران کن انکشاف سامنے آیا ہے۔ ٹیسٹ کرکٹر نے دانت میں تکلیف کے بعد ایک عام دندان ساز سے علاج کرایا اور دندان ساز کے آلات سے شاداب خان کے خون میں ہیپاٹائٹس سی کا وائرس منتقل ہوا۔ نجی نیوز چینل نے شاداب خان کے قریبی ذرائع کا حوالہ دیتے ہوئے کہا ہے کہ اگر شاداب خان دانتوں کے کسی اچھے ڈاکٹر سے علاج کراتے تو انہیں ہیپاٹائٹس کا وائرس نہ لگتا، عام طور پر یہ وائرس حجام کی دکان اور ڈینٹسٹ کے آلات سے منتقل ہو جاتا ہے۔