وزیر خارجہ شاہ محمود قریشی نے اس امید کا اظہار کیا ہے کہ افغانستان میں قیام امن کیلئے پاکستان کی کوششیں کامیابی سے ہمکنار ہوں گی۔

افغان وفد سے گفتگو کرتے ہوئے شاہ محمود قریشی نے کہا کہ پاکستان خطے اور بالخصوص افغانستان میں قیام امن کیلئے اپنی کاوشیں جاری رکھے گا اور امن کیلئے کی جانے والی کوششیں کامیاب ہوں گی۔ وفد نے افغانستان میں قیام کیلئے فریقین کو مذاکرات کی میز پر لانے کیلئے پاکستان کے عزم کو سراہا جبکہ وفد نے افغانستان اور پاکستان کے مابین اعتماد سازی، دوطرفہ سیاسی اور تجارتی تعاون پر تجاویز پیش کیں۔