قومی احتساب بیورو کے چیئرمین جسٹس ریٹائرڈ جاوید اقبال نے کہا ہے کہ نیب اور معیشت ساتھ چل سکتے ہیں اور کوئی طاقت نیب کو ڈکٹیٹ نہیں کرسکتی۔ ملتان میں منعقدہ تقریب سے خطاب کرتے ہوئے انہوں نے کہا کہ بدعنوان عناصر کے خلاف قانون ضرور حرکت میں آئے گا اور جو لوٹ مار کرے گا اسے نیب کی مزاحمت کا سامنا کرنا پڑے گا۔ جسٹس ریٹائرڈ جاوید اقبال نے کہا ہے کہ نیب اور بدعنوانی ایک ساتھ نہیں چل سکتے۔