صدر ڈاکٹر عارف علوی نے عوامی شکایات کے آسان اندراج کے لئے وفاقی محتسب کی موبائل ایپ کا افتتاح کر دیا۔

اسلام آباد میں منعقدہ افتتاحی تقریب سے خطاب کرتے ہوئے صدر مملکت نے کہا کہ عوام کو انصاف کی فراہمی حکومت کی بنیادی ذمہ داری ہے۔ وفاقی محتسب کے دفتر کی طرف سے عوامی شکایات کے فوری ازالے کو سراہتے ہوئے صدر نے کہا کہ ادارے کو ذرائع ابلاغ کے ذریعے اپنے اچھے فیصلوں کے بارے عوام کو باخبر رکھنا چاہیئے۔ انہوں نے کہا کہ انہوں نے اسلامی نظریاتی کونسل کو تجویز دی ہے کہ معاشرے کے سماجی مسائل کے حل کے لئے مساجد کا استعمال کیا جائے۔