پاکستان نے فنانشل ایکشن ٹاسک فورس کے حوالے سے بھارتی وزیر خزانہ کے بیان پر تشویش کا اظہا ر کیا ہے۔

دفترخارجہ کے ترجمان ڈاکٹر محمد فیصل نے بھارتی وزیر خزانہ کے بیان پر ردعمل دیتے ہوئے کہا ہے کہ بھارت ایف اے ٹی ایف کو پاکستان کے خلاف سیاسی مقاصد کے لیئے استعمال کر رہا ہے۔ ترجمان نے کہا کہ بھارت اپنے مذموم مقاصد میں کبھی کامیاب نہیں ہو سکے گا۔ ان کا کہنا تھا کہ پاکستان فنانشل ایکشن ٹاسک فورس کے پلان پرعملدرآمد کے لیئے پرعزم ہے جبکہ فنانشل ایکشن ٹاسک فورس پاکستان کے حوالے سے اقدامات کو شفاف اورغیر متصبانہ بنائے۔