وزیراعظم عمران خان سے افغانستان کے صدر اشرف غنی نے ٹیلی فونک رابط کیا ہے۔ ٹیلی فونک رابطے کے دوران دونون راہنماؤں نے دو طرفہ تعلقات سمیت خطے کی تازہ صورتحال پر تبادلہ خیال کیا۔ وزیراعظم عمران خان نے کہا کہ افغانستان کے حوالے سے پاکستان کی سوچ بھائی چارے پر مبنی ہے۔ انہوں نے کہا کہ افغانستان کے دیرینہ تنازعے نے گزشتہ کئی دہائیوں سے افغانستان کو نقصان پہنچایا ہے اور پاکستان کو بری طرح متاثر کیا ہے۔