بلاول بھٹو زرداری کی میڈیا سے گفتگو پرتبصرہ کرتے ہوئے ڈاکٹرفرد وس عاشق اعوان نے انہیں مشورہ دیا کہ وہ سابق وزیراعظم ذوالفقارعلی بھٹو کاحقیقی جانشین بننے کے لئے بدعنوانی سے تعلق منقطع کریں۔

انہوں نے کہاکہ بلاول بھٹو زرداری کو عالمی مالیاتی فنڈ سے متعلق تشویش نہیں ہونی چاہیے بلکہ انہیں سندھ حکومت میں مالیاتی غبن، بدعنوانی اورصوبائی خزانے کی لوٹ مار سے متعلق سوالات کے جواب پرتوجہ مرکوزکرنی چاہیے۔ اطلاعات ونشریات کے بارے میں وزیراعظم کی خصوصی معاون نے کہاکہ حکومت باصلاحیت اور ذہین پاکستانیوں کو مواقع فراہم کرتی رہے گی۔