اطلاعات ونشریات کے بارے میں وزیراعظم کی خصوصی معاون ڈاکٹر فردوس عاشق اعوان نے کہا ہے کہ تحریک انصاف کی حکومت قومی معیشت میں بہتری لانے کی کوششوں میں مالیاتی تعاون کے حصول کیلئے بین الاقوامی مالیاتی فنڈ، عالمی بنک اور دیگر مختلف عالمی اداروں سے رابطے کررہی ہے۔

ایک نجی نیوز چینل سے گفتگو کرتے ہوئے انہوں نے کہا کہ حکومت قومی معیشت کی بحالی کے وسیع تر قومی مفاد میں تمام ممکنہ اقدامات کررہی ہے۔ خصوصی معاون نے کہا کہ وزیراعظم عمران خان ریاستی اداروں او رمعیشت کو مستحکم بنانے کی سوچ رکھتے ہیں۔ ایک سوال پر انہوں نے کہا کہ وفاقی کابینہ نے بھرتی پر عائد پابندی اٹھا لی ہے اور نئی آسامیوں کا جلد اعلان کیا جائیگا۔