Dosti Channel FM 98 Voice of Friendship
سعودی عرب نے اپنے اور پڑوسی ملک متحدہ عرب امارات پر حملے کے معاملے پر غور کیلئے خلیجی اور عرب رہنماؤں کا ہنگامی اجلاس بلانے پر زور دیا ہے۔
سعودی وزارت خارجہ کے ٹویٹ کے مطابق اجلاس اس ماہ کی 30 تاریخ کو مکہ میں ہوگا۔ تجارتی جہازوں کو متحدہ عرب امارات کی سمندری حدود میں اتوار کے روز روکا گیا اور دو روز بعد سعودی عرب کے دارلحکومت ریاض کے مغرب میں تیل کی تنصیبات پر ڈرون حملہ کیا گیا۔ ادھر سعودی عرب کے ولی عہد نے امریکی وزیرخارجہ مائیک پومپیو کے ساتھ ٹیلی فون پر خطے کی صورتحال اور سلامتی اور استحکام کی کوششوں پر تبادلہ خیال کیا۔
