اطلاعات ونشریات کے بارے میں وزیرعظم کی معاون خصوصی ڈاکٹر فردوس عاشق اعوان نے کہا ہے کہ حکومت آزاد اورخودمختارعدلیہ پریقین رکھتی ہے ۔اسلام آباد میں ایک نجی نیوز چینل سے گفتگو کرتے ہوئے انہوں نے کہاکہ حکومت اداروں کوبہتر بنانے کیلئے اپنی آئینی ذمہ داری پوری کرتی رہے گی۔ انہوں نے ذرائع ابلاغ پر زوردیا کہ وہ ایسے اقدامات کی حمایت کریں ۔ریفرنسز کے معاملے پر حزب اختلاف کے کردار سے متعلق معاون خصوصی نے کہاکہ ارکان پارلیمنٹ اہم سرکاری دستاویز کی آزادی برقراررکھنے کے پابند ہیں انہوں نے حزب اختلاف کو مشورہ دیا کہ وہ حساس معاملات پرسیاست کرنے سے گریز کرے ۔